الأسبوع الماضي كان لغز الأسبوع من نظم الشاعر محمد بن عبدالرحمن أبودحيم من البدائع الذي يقول:
لغزي دليله كان تكتب وتقرا
يا حظ منهو لغزنا له دليله
دايم مكانه بين عذرا وعذرا
هو من فصيله والعذارا فصيله
وقد توصل للحل شعراً:
يا بو دحيم اكفيت من كل شرا
ياللي لكم بالكون شرع وفصيله
هذا كتاب الله وفيه اتذرا
(الخيط) وحله ما يبيله دليله
علي بن عمر الخراشي - عنيزة
من غربي الدمام ليا حد شقرا
نهدي جريدتنا تحيه جليله
قريت فيها اللغز وأمعنت نظرا
ريشه وخيط من الحلول الجميله
سرحان عمر الرمالي - الخبر
يا مرحبا لا جيت حييت عشرا
حيا الله اللي ما ندور بديله
الحل خيط وسابقه بذت سمرا
ريشة نعام ومنزلتها جليله
زامل بن سالم البشري
الجبيل
يا مرحبا تحية معزه وقدرا
في ليلة عن الف ليله وليله
حل اللغز عندي للي يكتب ويقرا
شريط المصحف ماله بديله
فالح غازي الحربي - رياض الخبراء
عاشت جريدتنا على العز تشرا
بأيدي رجال كاسبين الفضيله
اللغز واضح ومن غموضه تعرا
خيط وريشه ولا تدور بديله
صالح محمد الوايلي - الظهران
لغزك مثيله ما قريناه واقرا
سلام لك يا صل وما به مثيله
معناه واضح لو تذري بمزرا
الخيط بالمصحف حله عميله
صلاح بن عبدالله اليابس - رأس تنوره
سلام عدد ما هل البدرا
وعداد فنجال بنه وهيله
يا حظ من وافق ليلة القدرا
الحل شريط المصحف دليله
طلال فالح الحربي - رياض الخبراء
يا بودحيم الحل عندي وأنا أدرا
عن لغزكم يا هل العلوم الجميله
يجط أبمصحفن فيه نقرا
طول الدهر في كل يوم وليله
موضي بنت علي الخراشي - عنيزة
مني سلام للنشاما بشعرا
في صفحة حازت علوم جميله
خيط صخيف العرض في طول شبرا
رجل ملازم للعذارى الفضيله
حبيب بن سالم البشري - الجبيل
تحية مني صباح وعصرا
لبودحيم اللي يقدِّر زميله
الحل خيط بالمصاحف يجرا
امن المجمع جابه الله وسيله
علي رشيد الرشيد - رياض الخبراء
اللغز يا بودحيم يحتاج نقضا
والنقض عندنا واضح كالمخيله
المصحف اللي دايم فيه نقرا
خيطه بوسطه والمعاف جليله
خليف الحربي - الرياض
يللي تناظرني على البعد شذرا
لغز العريني عنك حلي يجيله
السلك بالمصحف له النور مذرا
يا حظ من شده بيومه وليله
فهد بن عقيل الطويان - بريدة
اللغز حليته وقدرك قدرا
يا للي تجيبون البيوت الجميله
الخيط بالمصحف لا جيت شقرا
مرات جنبك وانت رجلن دليله
خالد بن علي الجناحي - عنيزة
آيات ربي به عن النار مذرا
إقر الكتاب ولا تدور بديله
والخيط بالمصحف له اليوم يبرا
جميل يرقد بالصحاف الجميله
صالح حمد الرميح - عنيزة
الحل يا بودحيم جبته بشعرا
خيط تحطه ما قف لو تجي له
في محكم التنزيل شفته وانا اقرا
ومن اول ريشة نعام ظليله
عبدالله صالح النصيان - الرس
لغز الأسبوع
كتبه الشاعر خالد بن علي الجناحي من عنيزة ويقول:
أنشدك عن ورع حياته غرابيل
يمشي وبالمشي تجدد علومه
لو تقعد من الصبح إلى تالي الليل
نمنا وهو سهران ما جاه نومه
تستقبل الحلول على الفاكس رقم 4871070 (خزامى الصحارى) زاوية لغز الأسبوع ونرحب بطرح الألغاز الجيدة والهادفة.
