ياناس للبيئة حقوقٍ علينا
اقولها من بعد ماشافت العين
أول بدى في دين ربي سمينا
وعلى النظافة حثنا وازع الدين
تنظيف وجه الأرض عهدة ايدينا
حنا هل المبدأ وحنا الميامين
دين السلام أوجب على المسلمينا
يبقون في كل المعاني نظيفين
لاتلوثون الأرض يالمسرفينا
غير الطراقي به وذى للمقيمين
ياجب علينا نحترص مابقينا
على النظافة مانفرط ولاحين
عنوان بهجتنا كتبنا وقرينا
عنا الكثير ونستشف المضامين
لنظفت البيئة ترانا أهتنينا
والى حميناها ترانا مصيبين
جميع مافيها مرده الينا
أعنى بقا حفظه علينا كما الدين
بيئة بها نجلس وفيها سعينا
وفيها ننام وفي فضاها سعيدين
لاتصير دايم معبث العابثينا
وساحة نفايات بكل الميادين
إن كان زال اللي بها خاسرينا
وإن لوثت ماناجد المجلس الزين
نبي انتقدم كان حنا وعينا
وإن كان نمنا وش نبي نقول بعدين
عبدالله غالب الحربي
